Kjötmat

Um kjötmat
Aldursflokkar og þyngdarmörk
Flokkunarkerfi fyrirtækjanna

Um kjötmat

Ekkert opinbert kjötmat, þ.e. gæðamat með tilliti til holdfyllingar, sláturgalla og snyrtingar, er á alifuglakjöti.

Í gildi er reglugerð nr. 260/1980 um útbúnað alifuglasláturhúsa, slátrun alifugla, verkun þeirra og heilbrigðisskoðun (með áorðnum breytingum).

Afurðum sem við heilbrigðisskoðun eru dæmdar hæfar til manneldis og dreifingar er þannig lýst í reglugerðinni að þær séu af vel útlítandi, heilbrigðum fuglum, sem fengið hafa hreinlega meðferð við slátrun og sem eru án verulegra galla.

Eftirfarandi ákvæði um aldursflokkun afurða og þyngdarflokun eru í reglugerðinni.

Matsreglur

Kjúklingar

Alifuglar sem eru 14 vikna eða yngri þegar þeim er slátrað, lágmarksþyngd 500 g eftir sláturverkun.

Ungfuglar

Alifuglar sem eru á aldrinum 15-30 vikna, þegar þeim er slátrað, lágmarksþyngd 1000 g eftir sláturverkun.

Unghænsni

Fuglar sem eru á aldrinum 8-20 mánaða, þegar þeim er slátrað. Lágmarksþyngd 1000 g eftir sláturverkun.

Hænsni

Fuglar sem eru eldri en 20 mánaða, þegar þeim er slátrað.

Framleiðendum er heimilt að flokka sláturfugla nánar innan aldursflokkanna, t. d. eftir þyngd, kyni, holdafari o. s. frv.

Sláturleyfishafar

Starfandi eru þrjú alifuglasláturhús á Íslandi, Ísfugl, Matfugl og Reykjagarður. Fyrirtækin nota öll nánari þyngdarflokkun á kjúklingum og hafa skilgreint 1. flokk kjúklinga (gallalaus) og 2. flokk (minniháttar gallar).

Ísfugl			Matfugl		Holta
nr.	Afurðir	Þyngdir gr.	nr.	Þyngdir gr.	nr.	Þyngdir gr.
1	Frosti	700 – 850	1	0-1050	1	0 – 900
2	Glóðarkjúklingur	850 – 1000	3	1050-1200	2	900 – 1200
3	Holdakjúklingur	1000 – 1100	4	1200 – 1300	3	1200 – 1350
5	Holdakjúklingur	1280 – 1550	5	1300 – 1450	4	1350 – 1500
6	Holda Regin	1550 – 1800	6	1450 – 1650	5	1500 – 1600
10	Boltakjúklingur	1800 +	7	1650 – 1800	6	1600 – 2500
			8	1800 +	Hátíðarkjúklingur	um 3000
	Kalkúnn	Kg
		< 3
		3 – 4
		4 – 5
		5 – 6
		6+
		8+