Snyrting dilkakrokka á Íslandi.

• Afhausað við fyrsta hryggjarlið.
• Fætur klipptir af í hnjálið.
• Flegið  þannig að skrokkhimnur haldist sem mest heilar.
• Engin gormengun, hár eða önnur óhreinindi á skrokkum.
• Dindill fjarlægður við rót.
• Júgur eða eistu eru fjarlægð ásamt fitu þar í kring.  
• Getnaðarlimur  fjarlægður að rótum aftan við lífbein.
• Náraband fjarlægt með kirtli og fitu.
• Fitusnyrt við kviðskurð, slög annars látin óhreyfð.
• Þind fjarlægð þannig að ca. 5 mm. sitji eftir.
• Nýru fjarlægð ásamt mör og fitukleprum úr grindar-, kviðar- og brjóstholi.
• Æðar með fitu innaná hrygg eru fjarlægðar.
• Föst fita á rifjum og á milli rifja látin óhreyfð. 
• Kirtlar, tægjur og fitukleprar í brjóstholsinngangi eru fjarlægð.
• Hálsæðar og blóðlifrar í hálsi fjarlægðar.
• Valfrjálst er hvort bringa er klofin.

Heill skrokkur eins og hann kemur úr sláturhúsi, frosinn eða ófrosinn

7 parta LS1.1

Tvö læri, tvo framparta, tvö slög og hryggur heill. Lærin eru söguð frá hrygg með þverskurði á milli 6. og 7. spjaldhryggjarliðar og frampartur tekinn frá hrygg með þverskurði á milli 6. og 7. rifs. Hryggur skorinn frá slögum með skurði 12 cm frá miðlínu. Hægt er að fá mjórri og lengri hryggi og þá styttri framparta og stærri slög.

9 parta LS1.2

Stutt læri, langur hryggur og slög frampartur klofinn og bógar skornir frá. Unnið úr ófrosnum, óbógbundnum skrokk. Læri tekið frá hrygg á milli 1. og 2. rófubeinsliðar þannig að mjöðm fylgir hrygg. Bógar skornir frá framparti á skilum bógs og skrokks. 13 rif látin fylgja hrygg, háls skorinn frá þvert við bóg. Slög tekin frá hrygg miðað við 9 cm. frá vöðva niður á síðu mælt á 11. rifi.

Pístólusögun LS1.3

Skrokkur klofinn eða heill. Læri og hryggur saman í einu stykki. Fæst úr ófrosnum heilum skrokk með því að skera af honum slög og frampart milli 4. og 5. rifs. Neðri mörk hryggjar eru 8 – 12 cm frá miðlínu hans. Huppur er skorinn frá lærinu.